Azərbaycan Milli Hərəkatının tarixi zərurəti olan birlik təfəkkürü
VOA news
ABŞ prezidenti Barak Obama West Point hərbi akademiyasında Əfqanıstan müharibəsi ilə bağlı yeni strategiyanı açıqlayıb.Cənab Obama Taliban qüvvələrini məğlub etmək üçün Əfqanıstana əlavə 30 min əsgər göndərəcəyini və bu əsgərlərin həmin ölkədə ən azı 18 ay qalacağını elan edib.Öz çıxışında ABŞ lideri habelə administrasiyasının Əfqanıstandakı strateji hədəfləri haqda məlumat verib.
Nitqinin əvvəlində cənab Obama Əfqanıstan müharibəsinin tarixi köklərinə ekskursiya etdi.O, söylədi ki, ABŞ-ın Əfqanıstana hərbi müdaxiləsini əsaslandıran faktor 2001-ci il, sentyabrın 11-də baş vermiş terror hadisələri olmuşdu.
Ötən bir neçə il ərzində Əfqanıstanda vəziyyətin gərginləşdiyini deyən Barak Obama oraya əlavə qüvvə göndərməyin vacibliyini vurğuladı: “Ali Baş Komandan kimi mən müəyən etmişəm ki, Əfqanıstana əlavə 30 min ABŞ əsgəri göndərmək bizim milli maraqlarımıza xidmət edir.18 aydan sonra qoşunlarımız vətənə qayıtmağa başlayacaq.Qoşunlarımızın sonda məsuliyyətlə Əfqanıstandan çəkilməsi üçün əfqanların imkanlarını möhkəmləndirməklə yanaşı təşəbüsü ələ almağımız üçün bizə bu resurslar lazımdır.”
Cənab Obama ABŞ-ın Əfqanıstandakı strateji hədəflərini üç başlıca amildə gördüyünü söylədi.Birincisi, ABŞ qüvvələri əsas yaşayış məntəqlərində təhlükəsizliyi təmin etməlidir ki, əhali özünü qorunmuş hiss etsin.İkincisi, BMT və başqa beynəlxalq tərəfdaşlarla birgə ABŞ Əfqanıstan sivil cəmiyyətin inkişafına yardım göstərəcək. Üçüncü olaraq isə Amerika Əfqanıstanda uğurlu strategiyanın qonşu Pakistanla sıx əməkdaşlıq aparmaqdan asılı olduğunu anlayır və bu yönümdə məqsədyönlü iş aparacaq.
Əfqanıstan strategiyasını tənqidçilərdən müdafiə edən prezident Obama qoşun artımının Vyetnam müharibəsi ilə müqayisə olunmasını rədd etdi.Onun fikrincə Vyetnamdan fərqli olaraq Taliban cəmiyyətdə geniş dəstəyə malik deyil və əksər əfqanlar demokratik ölkədə yaşamağa üstünlük verir.Vaxt möhlətinin məhdudiyyətlərinə gəldikdə isə Barak Obama bildirdi ki, Amerikanın Əfqanıstanla bağlı öhdəlikləri müddətsiz ola bilməz və əvvəl-axır əfqan xalqı öz idarəçiliyini öz əlinə almalıdır.
Amerikanın tarixən dünyada azadlıq və demokratiyanı tərənnüm edən qüvvə olduğunu vurğulayan Barak Obama əmin olduğunu bildirdi ki, bu dəfə də Birləşmiş Ştatlar zamanın sınaqlarından uğurla keçəcək.“Keçmişin qüdrətlərindən fərqli olaraq biz dünyaya ağalıq etmək arzusunda olmamışıq.Bizim öz dövlətimiz zülmə müqavimət üzərində qurulub... Bizim uğrunda vuruşduğumuz və vuruşmaqda davam etdiyimiz odur ki, övladlarımız və nəvələrimiz xoşbəxt gələcəyə nail oslunlar, və biz inanırıq ki, əgər başqa xalqarın övladları və nəvələri azadlıqda və imkanlara çıxış verən cəmiyyətlərdə yaşasalar, onda onların həyatları daha yaxşı olar,” deyə ABŞ prezidenti bəyan etdi.
