S.Soltan 

İran rəsmiləri ölkənin çoxmillətli olduğunu çıxışlarında dəfələrlə bəyan ediblər. Ancaq fars olmayanların haqlarının təmini ilə bağlı, təəssüflər olsun ki, hələ də heç bir əməli addım atılmır. İranın keçmiş baş naziri, ötənilki prezident seçkisindən sonra formalaşmış müxalifətin liderlərindən biri, Mirhüseyn Musəvi bildirib ki, İran Ana Yasasında yer alan milli haqların təmini ilə bağlı maddələr də "icra olunmalıdır".

S.Sədi 

Urmiya şəhərinin "Gülüstü" məhəlləsində yerləşən "Lütfəli xan məscidi" uçmaqdadır. Bu məscid Güney Azərbaycanın mühüm qədim tarixi abidələrindən sayılır. Güneydən redaksiyaya daxil olan müraciətdə bildirilib ki, Güney Azərbaycanın tarixi abidələri baxımsızlıq ucbatından dağılmaqdadır. "GünAzTv"nin məlumatına görə, Azərbaycan mədəniyyəti, tarixi, abidələri və mənəvi həyatını əks etdirən sənət əsərləri nəinki İran İslam Respublikasının dəstəyindən məhrumdur, eyni halda hakimiyyətin özü tərəfindən ağır zərbələrə məruz qoyulmaqdadır.